Ѓорчев: Со уставните измени ќе трошиме онолку колку што имаме

Се наоѓаме во важен ден за иднината на Република Македонија кога треба да одлучиме за почеток на уставни измени кој што треба да регулираат повеќе области, нагласи пратеникот на ВМРО-ДПМНЕ Влатко Ѓорчев на денешната расправа по повод уставните измени.

Тој потенцираше дека со уставните измени во дело на ограничувањето на задолжувањето и ограничувањето на тековниот буџетски дефицит ќе се спречи и државата и сите општини во Репбулика Македонија да се задолжат како Општина Охрид.

Општина Охрид е една од најпреспективните Општини во Република Македонија, ги има едни од најдобрите ресурис, Општина на УНЕСКО. Општина Охрид има годишен буџет од 6 милиони евра, а оваа општина има 34 милиони евра долгови, нагласи Ѓорчев според кого токму уставните измени за ограничување на задолжувањето ќе спречат и други општини да ги снајде истата судбина.

Ние токму со овие измени што ќе ги донесеме и со измените што понатаму ќе следуваат во кривичниот законик ќе оневозможиме било која неодговорна Влада или влади економски да ја девастира Република Македонија ќе торшиме онолку колку што имаме и ќе бидеме одговорни со државните и јаните финансии, потенцираше Ѓорчев.

Ѓорчев истакна дека со уставните измени треба да се регулира и бракот, бракот како исклучиво како заедница помеѓу еден маж и една жена и додаде дека тоа го имаат многу држави во Европа.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.