Четирикратниот Формула 1 шампион и возач на Ред Бул тимот, германецот Себастијан Фетел, во разговор со новинарите од Мотоспорт призна дека сезоната е готова и дека тимот не Мерцедес е далеку пред нив.
– Се сомневам дека до крајот на сезоната можеме да ги достигнеме Мерцедес. Тоа е моментално најдобра екипа годинава со најдобар болид. Ние во Ред Бул како и нашите колеги во Ферари сме свесни дека сме далеку зад силата на мерцедесовиот болид. Реално гледано доколку не направат ниту една грешка до крајот на шампионатот Хамилтон и Розберг, можат да победат на сите трки до крајот на сезоната – изјави германскиот возач.
Во пресрет на неделната трка во Нирбургринг за големата награда на Германија, Фетел на своето конто има 70 бода и речиси 100 бода заостаток зад лидерот Розберг (165) и неговиот клубски колега Хамилтон (161).
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
