Вредноста на вкупниот откуп и продажбата на земјоделски производи во мај 2014 година изнесува 760.096.000 денари што претставува намалување за 17,7 отсто во споредба со истиот месец лани.
Според Државниот завод за статистика, вредноста на откупените земјоделски производи од индивидуалните земјоделски производители е намалена за 13,8 проценти, а продажбата од сопственото производство на претпријатијата за 21,4 отсто.
Намалување на вредноста на откупените и продадените земјоделски производи се забележува кај житата, градинарските растенија, овошјето, алкохолните пијалаци и добитокот, додека зголемување кај индустриските растенија, живината, јајцата, млекото, млечните производи и рибата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
