Петок ќе донесе блиц температурно освежување пред релативно топлиот викенд. Повторно ќе уживаме во сончево и помалку ветровито време. Умерен ветер од север и северозапад ќе дува долж Повардарието и во источниот регион.
Според метеопро.мк, максималната температура ќе достигне вредност околу 27°С во северната половина од земјата, и околу 29°С во јужната половина од земјата. Најтопло, но само до максимални 31°С ќе биде во гевгелискиот крај.
Вредноста на УВ-индексот ќе биде 8.
Во скопската котлина се очекува претежно сончево време со умерен северозападен ветер. Минималната температура ќе се спушти до 13°С. Максималната вредност на температурата ќе достигне 28°С.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
