Власта создава услови за учество на опозицијата на избори, Сојузот на потег

-Владата на Република Македонија денес по итна постапка усвои закон со кој се утврдува нов рок за доставување на листи на советници и кандидати за градоначалници, до 3-ти март на полноќ. Усвоениот закон е испратен до Собранието, каде ќе стане законска можност и ќе стапи на сила веднаш, истакна Јанкулоска.

По бројните предлози, ваквото усвојување и испраќање за прифаќање, рече Јакулоска, покажуваме потполна заштита и промоција на државните интереси и интересите на граѓаните.

-СДСМ бараше 7 дена за да достават листи. Потпретседателот Заев тоа јавно го истакна, а ние тоа им го овозможивме. Ќе има добри резултати ако пратениците на СДСМ денес дојдат во Собрание и дадат поддршка за новиот рок. Пратениците од владејачкото мнозинство ќе го изгласаат овој закон со кој сите партии, вклучително и СДСМ ќе можат да ги достават своите листи, објасни членот на ИК на партијата.

Таа истакна дека со оваа можност никој не губи, сите добиваат, а најмногу добива Република Македонија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.