„Македонска реч“ објави роман од Мирјана Дуганџија

Издавачката куќа „Македонска реч” од Скопје го објави романот „Неколку денови од август” на хрватската новинарка и писателка Мирјана Дуганџија. Во 2011 година, романот беше сметан за едно од најдобрите прозни дела во во Хрватска.

Романот на Дуганџија, „Неколку денови од август“ сосема заслужено ги доби позитивните критики на критиката (М. Јерговиќ, З. Фериќ, З. Јанковиќ, Б. Постников, В. Арсениќ, Т. Панчиќ и други).

-Се чини дека Мирјана Дуганџија напишала книга во која ништо, или скоро ништо, не измислила. Во „Неколку денови од август“ е собран нејзиниот живот, и тоа во неколку различни слоеви, и, потенцијално, во различни романи. Првиот е приказната за жена што е во средни години, има син кој тукушто не одраснал, и после мачниот брак е во врска со оженет маж. Другиот е транзициска приказна за новинарка во една дисфункционална новинарска редакција и за обидите да се преживее во професијата која во Хрватска ја изгубила општествената смисла. Третиот е приказната за градското семејство за време на социјализмот, кое во нови услови и со малку искривен национален профил, ја дочекува староста. Четвртиот е роман за дваесеттиот век, потрагата по семејниот идентитет, по судбините на тетките и стриковците, чиишто лица бледнеат во семејните албуми. Гласот на Дуганџија е нежен и авторитативен, некако господски. За да се пишува така, треба да се има вонсериска дарба, напиша Миленко Јерговиќ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.