Гостиварец изрешетан во својот автомобил

Денеска се случило убиство во Гостивар, на улицата „ЈНА“ во близина на новоизградениот станбен комплекс. Убиството го пријавиле граѓани кои слушнале поединечни и рафални истрели. Според полицијата, бил убиен Ф.С. (62).

По пријавата полициски екипи се упатиле на местото на убиството каде е пронајден автомобил „Застава 101“ во кој бил убиениот маж.

Од она што досега е познато, сторителот или сторителите најпрво му го попречиле патот на гостиварецот со контејнери, по што од автоматско оружје било пукано кон предното стакло на автомобилот, а потоа и во неговото телото. Ф.С. починал на лице место.

Направен е увид на лице место, на терен се излезени јавен обвинител, истражен судија.

Од местото на убиството подигнати се повеќе празни чаури и други траги и материјали кои ќе подлежат на понатамошно вештачење.

Полицијата ги презема сите мерки за пронаоѓање на сторителот или сторителите и откривање на мотивите за убиството.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.