Интернет-изданието на германското списание „Шпигел“ објави повеќе од 50 тајни документи, кои според него ја потврдуваат дејноста на Агенцијата за национална безбедност (НСА) на САД на територијата на Германија.
Документите ги доставил поранешниот соработник на американското разузнавање Едвард Сноуден.
Документите содржат информација за распоредување на одделенијата на АНС на територијата на Германија, соработката на Агенцијата со германските разузнавачки служби, како и податоци дека се собирани информации за германската канцеларка Ангела Меркел.
„Шпигел“ посочува дека од документите јасно се гледа дека Германија „била важна база за НСА“.
– Информациите се собирале и анализирале во неколку центри на разузнавачките служби, пишува „Шпигел“.
Весникот наведува дека објавувањето на документите е во интерес и на германската Влада, која „не знае точно што прави НСА во Германија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
