ВМРО-ДПМНЕ: Терминот на средбата ќе препуштиме да го одредат СДСМ

Разбираме дека на СДСМ му е многу важно подадената рака од ВМРО-ДПМНЕ да ја прикаже како надворешен притисок, а тие дека се некакви победници и дека не прифатиле никаков притисок, велат од ВМРО-ДПМНЕ.

– Со задоволство ќе ги оставиме да живеат во тој нивен виртуелен свет на самолажење, сон дека сите веруваат во нивниот измислен филм. За нас е важно државата и нејзините граѓани да не трпат штета од дезориентираноста и безидејноста на водството на СДСМ. Во тој правец, помагајќи да се чувствуваат позадоволни, терминот на средбата ќе го препуштиме да го одредат тие. Нека биде тоа еден мал придонес на ВМРО-ДПМНЕ за зголемување на авторитетот на ова раководство на СДСМ, пред се внатре во сопствената партија, стои во соопштението на ВМРО-ДПМНЕ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.