Интер против Милан во фудбалска битка за Милано

Интер против Милан, вечерва од 20,45 часот, во фудбалска битка за Милано. Овојпат на „Џузепе Меаца“ бидејќи привилегијата да биде домаќин го има Интер. Стадионот е ист, но имињата се различни. Кога Милан го организира мечот тогаш сте на „Сан Сиро“.

Наједноставо е да кажете дека сте на дербито „Дела Мадонина“.

Скудетото е речиси недостижно за двете екипи, бидејќи заостатокот и на Милан (44 бода) и на Интер (43), зад лидерот Јувентус (55) е со двоцифрен број на бодови. Сепак тоа не ја менува работата кога во прашање се ривалите од Милано. Се игра макар и за престиж, а овојпат и битката за третата позиција е императив за двата состави. Таа позиција гарантира настап во ЛШ идната сезона.

Посебна тежина на 180. меѓусебен дуел на двете екипи му дава и контроверзниот напаѓач Марио Балетоли, кој е поранешен играч на Интер, а вечерва ќе настапи во дресот на Милан.

Статистиката вели дека неговиот поранешен тим Интер е поуспешен со 67 победи наспроти 60 на Милан со 52 нерешени исходи. И гол разликата е во корист на „нероаѕурите“ во однос 261-241. Вкупно во сите рангови на натпреварувања ова е 294 натпревар на градските ривали.

Двајцата тренери, Страмачиони кај Интер и Алегри на клупата на Милан ќе имаат потешкотии во составувањето на тимовите, бидејќи кај Интер ќе недостасуваат повредениот Милито и суспендираниот Переира, додека во составот на Милан ќе ги нема Ночерино, Фламини и Најџел Де Јонг.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.