Победи со пресврти на Реал и на Барселона (видео)

Реал Мадрид и Барселона направија пресврти во второто полувреме, и забележаа вредни победи против Депортиво, односно Севилја. Двата шпански гиганти славеа со идентичен резултат, 2-1.

Блиску до сличен подвиг беше и Валенсија. Сепак „лилјаците“ немаа сили за да го свртат комплетно резултатот во своја корист, против Сарагоса и одиграа 2-2. По првиот дел беше 2-1 за Сарагоса.

Реал одигра слабо прво полувреме на „Риазор“ во шпанската покраина Галиција. Домаќините пропуштија неколку шанси да ја наполнат мрежата на „кралскиот клуб“. Фудбалерите на Депортиво еднаш ја погодија и рамката на голот, а прецизен беше Рики во 35. минута. Пресвртот го најави Кака со прекрасен гол во 73. минута, а го комплетира Игуаин, на две минути до крајот. Ди Марија во последните моменти беше исклучен, но Реал го издржа притисокот и победи.

szólj hozzá: Deportivo 1 2 Real Madrid hoofoot.com

Во Барселона приказната имаше сличен тек. Ботија најави изненанадување со гол за Севилја во 43. минута, но домаќините не дозволија да ги загубат бодовите, со надмоќна игра во второто полувреме. Вилја израмни, а Меси со 49. гол во сезоната и донесе победа на Барселона.

szólj hozzá: Barcelona vs Sevilla 2:1 MATCH HIGHLIGHTS

Сили за целосен пресврт немаше Валенсија, против Сарагоса на „Ла Ромаледа“ стадионот. Апоно од пенал и Постига, по полoвина час игра и донесоа на Сарагоса предност од два гола. Жонас намали во 38. минута. Во вториот дел, истиот играч пак погоди за 2-2, а гостите од Валенсија притиснаа во потрага по цел плен. Имаа и играч повеќе, по исклучувањето на голманот Лео Франко. Сарагоса издржа и освои вреден бод во битката за опстанок. Во останатите два одиграни натпревари од 25. коло, Реал Сосиедад, вчера, го доби баскиското дерби во Билбао, против Атлетик со 3-1, а со ист резултат, денеска, Хетафе ја совлада Мајорка на гостински терен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.