Македонската изложба под традиционалниот наслов “Министерство за задоволство” во организација на Јавна Соба по трет пат ќе се претстави на „Дан Д” во Загреб од 30 мај до 1 јуни, „Миксер” во Белград од 5 до 8 јуни и „Тирана недела на дизајн и архитектура”, од 23 септември до 15 октомври.
Оваа година во рамки на националната македонска дизајн презентација застапени се „Завар Дизајн“, „Творница“, Нина Нинеска и „Лотус“, информираат од тимот на Недела на дизајнот во Скопје (СДВ).
– Нешто по што Македонија полека станува препознатлива е дизјанот, не само како дестинација каде се случува СДВ, туку и по сè побројни млади дизајн брендови кои покрај застапеноста на домашниот пазар храбро чекорат и на регионалните пазари. „Јавна соба“ изврши селекција на четири реномирани и млади македонски дизајн брендови кои ќе се претстват на регионалната сцена. Со почетокот на формирањето домашната дизајн сцена, им се даде шанса на млади креативни поединци и компании да почат со афирмација на идеја или готов производ, вмержување со други компании и отпочнување на соработка, добивање на критика од еден релевантен слој во општеството – велат од СДВ.
„Јавна соба“ е еден од иницијаторите за бреднирање на „балкански дизајн” и колективен настап на глобална сцена. Во рамки на развој на таа независна платформа, е соработката со регионалните дизајн фестивали.
Оваа година на СДВ од 23 до 28 септември, балканската дизајн сцена ќе биде и офицаијлно промовирана пред меѓунадорната јавност со своја организација.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
