Момче од Македонија загина во сообраќајка во Косово

Во сообраќајна несреќа, што се случила во близина на селото Дурај, кај Качаник, животот го загубил македонскиот државјанин Б.З.(28).

Според полицијата, причина за несреќата била неприспособената брзина според условите на патот, поради што возачот на автомобилот БМВ ја загубил контролата, по што возилото излетало од патот и паднало во бездна. Во сообраќајката со повреди се здобиле уште две лица што биле во возилото.

– Возачот Б.З. се здобил со тешки повреди и починал на самото место. Веднаш пристигнала итна помош, но лекарот само констатирал смрт. Двете други повредени лица се транспортирани во болницата во Урошевац – изјави портпаролот на регионаната полиција Агим Гаши.

Истражен судија наредил обдукција на телото на починатиот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.