Русија ќе ги признае резултатите од претседателските избори во Украина, изјави денеска претседателот Владимир Путин.
Во изјава пред економскиот форум во Санкт Петербург тој истакна дека Москва сака во соседната држава да биде обновен редот и да се воспостави мир.
Путин, меѓутоа, изрази загриженост од условите во кои ќе се одржат претседателските избори.
– Москва е подготвена на дијалог со новото раководство на Украина, кое ќе биде формирано по изборите в недела – додаде Путин.
Тој изрази надеж дека новиот лидер во Киев ќе ги прекине воените акции во источна Украина.
Рускиот претседател се заложи за директни контакти меѓу властите во Киев и сепаратистите и потсети дека такви веќе имало, вклучувајќи со руско учество.
Тој, меѓутоа, истакна дека за да има резултат од тие контакти, треба да биде прекратено насилството, независно кој го применува.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
