Уште десет дена можат да се поднесуват барања за земјоделски субвенции

Рокот за поднесување барања за субвенции во земјоделството истекува на 31 мај годинава, а од ресорното министерство апелираат сите кои се уште не поднеле барање да се обратат во подрачната единица каде што имаат регистрирано земјоделско стопанство, за да поднесат барање во пропишаниот рок.

Барањето се поднесува по електронски пат без доставување документи, а врз основа на претходно евидентирани податоци во Единствениот регистар на земјоделски стопанства и Регистарот за идентификација и регистрација на домашни животни.

Одгледувачите на говеда, овци, кози и пчели пред поднесување на барањето треба задолжително да ја проверат и по потреба да ја ажурираат состојбата на животните во ветеринарното друштво со кое имаат склучено договор.

– Стриктното почитување на рокот на поднесување барање за финансиска поддршка треба да овозможи навремено спроведување на сите потребни постапки за обработка на барањата и исплата на средствата согласно предвидениот распоред во текот на годината, кој е усогласен со типот на земјоделското производство – велат од Министерството за земјоделство, шумарство и водостопанство.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.