Полициски извори: Убиството е расчистено, приведен е Насер Е.

Полицијата го реши убиството кое пред три часа се случи кај очната болница „Свети Лазар“ во скопската населба Ѓорче Петров.

Полициски извори за „Република“ велат дека првично осомничениот Насер Е. е приведен во полициска станица и убиството е расчистено.

Според нашите извори, денеска, околу 17.15 часот, приведениот влегол во дворот на семејната куќа на сега починатиот Ангел П. и украл велосипед. Тој бил забележан од страна на Ангел и неговиот татко Сашо, по што Насер се дал во бегство.

Таткото и синот со нивното возило започнале да го бркаат, до очната болница, каде Ангел го стигнал крадецот и дошло до физички контакт помеѓу нив, при што најверојатно бил прободен во срцето.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.