Обреновац поплавен, жителите евакуирани (видео)

Во Обреновац досега се евакуирани 2.510 лица. Мостот преку кој се влегува во градот може да се урне во секој момент. Обреновац е целосно поплавен.
Реката Колубара, која утринава се излеа, го натерала населението на итна евакуација, а постои закана дека мостот на влезот од градот ќе се урне.

Како драматична и напната ја опишуваат српските медиуми ситуацијата во Обреновац. Центарот на градот е целосно поплавен, а водата во некои делови ги прекрила покривите на куќите. Загрозените жители ги евакуираат војската, пожарникарите и полицијата со чамци и со хеликоптери.

Наскоро се очекува да пристигнат 20-30 руски специјалци, а според последните информации евакуирани се 2.510 лица. Во тек е евакуација на уште 1.400 жители. Поплавени се над 900 објекти, а загрозени се уште 1.388.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.