По најавите за негово заминување од идниот шампион на Макеоднија, Металург, хрватскиот ракометен стратег Лино Червар за спортскиот портал екипа изјави дека во последното интервју дадено за хрватскиот весник „Јутарњи лист“ е извадено од контекст дека си заминува од тимот од Автокоманда.
– Тоа се обични шпекулации, изјава што беше извадена од контекст и потоа предизвика бура од реакции. За повеќе да се чита, мора да е жолт печат, токму тоа беше случај и со моето последно интервју за хрватските медиуми. Сепак, можам да кажам дека најавите за мое заминување од Металург се апсолутно неточни, јас сум среќен овде и веќе го планирам тимот за следната натпреварувачка сезона – изјави Червар.
По шпекулациите дека Игор Вори се поврзува со доаѓање во Металург од ПСЖ, Червар и тоа го демантираше.
– Не знам од каде излезе таква информација дека Вори ќе се пресели во Скопје. Точно е дека веќе се почнати преговори со неколку потенцијални засилувања за следната сезона, но Игор Вори не е меѓу нив – додаде Червар.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
