35 дела од Владимир Георгиевски во „Матица ексклузив“

Салонот „Матица ексклузив“ продолжи со традицијата покрај промоции во нивниот салон да се одржуваат и изложби од реномирани македонски автори. Вечерва беше отворена изложбата на 35 дела академскиот сликар Владимир Георгиевски.

-Многу ми е драго што токму во овој простор љубителите на уметноста ќе може да ги погледнат моите дела следниве две недели. Сликарството и литературата вечерва се споија во „Матица ексклузив“, како што многу години наназад во Париз првата изложба на уметнички дела беше отворена во книжарница- рече Георгиевски.

Владимир Георгиевски спаѓа во редот на водечките имиња во македонското сликарство. Со својот специфичен ликовен израз побудува голем интерес кај љубителите на уметноста, а критиката неговите дела ги вреднува меѓу најзначајните остварувања во македонската ликовната уметност.

Изложбата ја отвори писателот Јордан Плевнеш, ректор на Универзитетот за аудио визуелни уметности Париз – Скопје -Њујорк.

Фото: Игор Ангеловски (Република)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.