УНЕСКО го прогласи Истанбул за место на кое во 2013 година ќе биде одбележан 30-ти април, Меѓународниот ден на џезот.
Ирина Бокова, директорката на УНЕСКО заедно со Херби Хенкок објавија дека прославата на вториот годишен светски ден џезот 30 април, ќе се одржи во Истанбул. По тој повод, покрај разните манифестации, ќе се одржи и голем „Ол-стар“ концерт.
-Почестена сум што треба да соопштам дека Истанбул ќе биде домаќин на одбележувањето на Меѓународниот ден на џезот. Како град на глобална култура, Истанбул е идеално место од кое ќе се потенцира глобалното влијание на џезот. Официјалната прослава, концерти и програми за едукација ќе се одржат во овој град и низ целиот свет на 30 април, изјави Ирина Бокова.
Меѓународниот ден на џезот е влезен во официјалниот календар на УНЕСКО и Обединетите нации, а програмите и настаните ќе бидат координирани со сите 195 земји-членки на УНЕСКО.
Прославата во Истанбул ќе започне во раните утрински часови со програма за средношколци во која ќе учестуваат на Херби Хенкок, Вејн Шортер и други.
На целовечерниот концерт на во Истанбул ќе настапат најголемите џез имиња на денешницата: John Beasley, George Duke, Robert Glasper, Herbie Hancock, Abdullah Ibrahim, Keiko Matsui, Eddie Palmieri; пејачите Al Jarreau, Milton Nascimento and Dianne Reeves; Hugh Masekela, Imer Demirer , Christian Scott; James Genus, Marcus Miller, Ben Williams; тапанарите Terri Lyne Carrington, Vinnie Colaiuta; гитаристите Bilal Karaman, John McLaughlin, Lee Ritenour , Joe Louis Walker; саксофонистите Dale Barlow, Igor Butman, Jimmy Heath, Wayne Shorter and Liu Yuan; кларинетистите Anat Cohen and Husnu Senlendirici; вилинистот Jean-Luc Ponty и Pedro Martinez на ударни инструменти, како и други специјални гости ќе бидат објавени во наредните недели. John Beasley ќе биде музички директор на настанот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
