Искусниот пилот Мајкл Хоебел тврди дека го пронашол малезискиот авион што мистериозни исчезна на 8 март со 239 патници и членови на екипажот.
Шеесетгодишниот њујоркчанец за локалната телеивизија WIVB вели дека трагајќи преку веб-страницата „Томнод“, која неодамна отвори посебен сервис за трагање по исчезнатиот „боинг 777“, го нашол авионот во еден дел на дното од морето во близина на североисточниот малезиски брег западно од Тајланд. Хоебел тврди дека биле идентични димензиите на авионот од спецификацијата на моделот со утврдените од објектот во морето.
– Не можев да се соземам, едноставно не верував дека ќе наидам на вакво нешто – рекол Хоебел.
На прашањето на новинарот дали може да станува збор за ајкула, пилотот вели дека тогаш тоа би била ајкула од 64 метри.
Хоебел вели дека за сето ова се обидел да го извести и Националниот одбор за безбедност во сообраќајот и агенцијата што ја врши истрагата за несреќата, но до сега никој не му одговорил. Не наишол на интерес и кога се обидел да контактира со ФБИ.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
