МВР: Македонија денеска гласа демократски и достоинствено

Нема посериозни проблеми и нарушување на изборниот процес кој се одвива денеска каде што се во тек парламентарните и претседателските избори.

Помошник-министерот за односи со јавност во МВР, Иво Котевски, информираше дека досега изборниот процес е во мирна, фер и демократска атмосфера.

-Македонија денес гласа демократски и достоинствено, согласно европските стандарди, истакна Котевски.

Тој додаде дека во текот на денот штабот на МВР и понатаму ќе остане отворен да функционира, посочувајќи дека никаква асистенција за посериозни инциденти не е побарана ниту од полициските службеници, кои се наоѓаат на избирачките места ширум Македонија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.