Портпаролот на Кремљ, Дмитриј Песков, денеска ги оцени како апсурдни тврдењата на британскиот весник „Тајмс“ дека рускиот претседател Владимир Путин на сметки во швајцарски банки има 40 милијарди долари.
– Тоа е целосна апсурдна измислица – изјави Песков за радиото „Ехото на Москва“.
„Тајмс“, повикувајќи се на анонимни извори во американската администрација, во петокот објави дека доколку Русија испрати свои војници во Украина, САД планираат да воведат санкици лично кон Путин, со тоа што ќе ги замрзнат неговите сметки во банки во Швајцарија на кои има 40 милијарди долари кои рускиот претседател наводно ги заработил преку „Газпром“ и други енергетски компании.
– Човек може само да се насмее на вакви апсурдни санкции – нагласи портпаролот на Путин.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
