Антонио Конте и Рафа Бенитез не се во добри односи од почетокот на сезоната.
Во неколку случаи имаа вербални расправии преку медиумите и Шпанецот кој е тренер на Наполи притисокот сакаше да го префрли врз тренерот на Јувентус, но според резултатите и состојбата на таблета во тоа не успеа.
Конте по победата над Удинезе потсети колку тимот на Наполи вложи во нови играчи за оваа сезона.
– Ја гледате табелата и они се на минус 20 бода од нас – изјави Конте.
На прашањето дали би се консултирал со Бенитез во врска со противникот на Јувентус во полуфиналето на Лига Европа Бенфика Конте беше дециден.
– Секако дека нема да го прашам Бенитез. Иако тој успеа да ги победи минатата сезона во финалето на ЛЕ со тимот на Челси. Имам свои соработници со кого ќе се консултирам. Како помина со Порто би било ризично од него да барам совет – продолжи тренерот на „старата дама“.
Јувентус со вчерашната победа над Удинезе се врати на плус осум бода разлика од Рома и на пет кола до крајот е се поблиску до одбрана на титулата во Сериа А.
Јувентус во полуфиналето на Лига Европа ќе игра со Бенфика и ќе се бори со сите сили да дојде до финалето кое се игра токму на теренот на Јнувентус во Торино.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
