Дачиќ и Тачи утре на нова рунда разговори во Брисел

Премиерите на Србија, Ивица Дачиќ, и на Косово, Хашим Тачи, ќе се состанат утре околу пладне, прво одвоено со Ештона, а потоа на заеднички ручек, по што дијалогот и формално ќе почне, дознава Танјуг од Европската комисија.

Служебник на ЕК кој побара анонимност, изјави дека е сосема веројатно дека заради сложеноста на проблематиката разговорите ќе продолжат и во среда.

-Ова ќе биде досега најтешката рунда, рече овој функционер на комисијата.

Претходно и од Белград и од Приштина беше најавувано дека оваа рунда примарно ќе биде насочена на прашањето на институциите на северот на Косово што Приштина ги нарекува паралелни, а тоа се пред се судовите, даночната управа и безбедносните структури.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.