НАТО објави сателитски фотографии од руска војска крај украинската граница

НАТО објави 15 фотографии снимени со сателити на кои се гледа дека Русија стационирала големи воени сили подготвени за дејствување низ границата со Украина.

Според процените на НАТО, во повеќе од сто бази, претежно привремени, во близина на источната граница на Украина, распоредени се меѓу 35.000 и 40.000 руски војници.

Тоа се добро подготвени сили кои брзо можат да се распоредат. Тоа загрижува поради тоа што тие сили се закана за Украина иако не ги знаеме плановите на Русија, заклучува бригадниот генерал на НАТО, Фери Дикин, директор на центарот за управување со кризи во главниот штаб на НАТО во белгискиот град Монс.

За да ги поткрепи тврдењата пред новинарите, презентира фотогорафии од воени бази снимени кон крајот на март и почетокот на април.

Некои воени експерти сметаат дека Русија така сака да ги заплаши украинските власти заканувајќи се со интервенција. Москва, пак, ги отфрла обвинувањата тврдејќи дека НАТО измислува дека постои руска закана за Украина.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.