Јанакиески се интересираше за текот на изградбата на источниот конак на манастирот и нагласи дека минатата недела почна да се гради патот до манастирот „Свето Преображение“ во Зрзе.

– Градежните работи на патот почнаа минатата недела и според договорот треда да се изгради за една година – изјави Јанакиески, додавајќи оти патот е во должина од 7,5 километри, а тоа е инвестиција од 1, 7 милиони евра.

Тој информира дека последните 350 метри од патот до манастирот ќе бидат во коцка, ќе се ограничи пристапот на возилата и ќе биде пешачка зона за да не се наруши автентичноста на манастирксиот комплекс.

Јанакиески потсети дека лани во рекордно време беше изграден и патот до манатсирот „Успение на Пресвета Богородица“ Трескавец.

– Со овие патишта до познатите и големи манастирски комплекси се развива туризмот – вели Јанакиекси.

Според градоначалникот на Прилеп, Марјан Ристески во тек е изградбата на Источниот конак на манастирот „Архангел Михаил“ во Варош. Во тек е втората фаза, издигнато е приземјето и катот, а ќе се работи и следната година.

– Ова е многу битно за развојот на манастирскиот туризам, за зачувувањето на монаштвото. Уште повеќе со изградбата на патот до Трескавец, а сега и со патот до Зрзе кој се гради. Само за пример: по изградбата на патот до Трескавец, за само 6-7 месеци манастирот го посетиле околу 50.000 туристи, а со изградбата на патот до Зрзе, бројот на посетителите во овие три комплекси, во црвите во Варош и манастирот „Свети Никола“ во село манастир, Мариово, се очекуваат годишно од 100 до 120.000 посетители – рече Ристески

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.