Кандидатот за претседател на СДСМ, Стево Пендаровски, синоќа ја претстави својата програма на централен митинг во Штип, од каде што порача дека е дојдено време да се решаваат проблемите на граѓаните, а нивните пари да се трошат за развој, а не за споменици.
Тој се осврна и на односите со соседните земји.
– Денес Македонија е раскарана со сите соседи и каска задсите во регионот. Во нашава држава законите селективно се применуваат. Дури и Рамковниот договор, кој е од суштинска важност за опстанокот на земјава, го сведоа на квота и бројка. Нè поделија по секоја основа. Нè понижија кога спомениците ги направија поважни од нас – нагласи Пендаровски во своето обраќање пред штипјани.
– Во нормалниот демократски свет, човекот е пред сè. Не може држава без народ. Со нова политичка структура, која ги разбира проблемите на младите, возможно е да се спречи масовното иселување. Тоа не се постигнува со лагите што ги применува актуелнава Влада. Лажат дека ЕУ и САД се распаѓаат. Но, ако е тоа вистина, тогаш зошто нивните скапи роудшоуа се концентрирани токму на барањето инвеститори од таму. Не, не се распаѓаат ниту ЕУ, ниту САД, туку ние финансиски и економски колабиравме – изјави Пендаровски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
