Базел ја шокираше Валенсија, Јувентус сигурно чекори кон финалето во ЛЕ

Швајцарскиот шампион Базел ја декласира Валенсија со 3-0 во првите четвтфинални мечеви од Европа Лигата на УЕФА и има одлилна предност пред реваншот на „Месталја“.

Шпанците беа фаворити, но домаќинот од Швајцарија славеше вредна победа со која е на чекор до полуфиналето. Делгадо со два гола во првиот дел најави изненадување, а за комплетирање на неочекуваниот исход се погрижи Штокер со погодок во самиот финиш.

Јувентус ја оправда улогата на фаворит во дуелот со Лион и победи со 1-0 на гости на „Стад Жерлан“. Леонардо Бонучи беше прецизен во 85 минута.

Со идентичен резултат Порто го доби дербито на Пиринеите спротив Севилја, а радост на „Драгао“ донесе Мангала со гол во 31 минута. И третиот од четирите меча вечерва заврши со резултат 1-0, а повторно гостите славеа. Поранешниот европски првак Бенфика во Холандија го совлада АЗ Алкмар со погодокот на Салвио во 48 минута.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.