Хаос во Општина Карпош – угостители кршеле стакла и шарале ѕидови

Вчера наутро, околу 10.15 часот, во зградата на Општина Карпош, И.Т.(28) и С.Ѓ.(31), двајцата од Скопје, го нарушиле јавниот ред и мир со карање, викање, дрско и непристојно однесување, а изврешно е и оштетување на Општината.

И.Т. и С.Ѓ. најпрвин го нарушиле јавниот ред и мир со карање, викање, дрско и непристојно однесување, а потоа С.Ѓ. влегол во Општината и со спреј прскал по ѕидовите.

Откако од обезбедувањето бил спречен во натамошното оштетување, С.Ѓ. со рака скршил стакло од врата, по што се здобил со исеченица. Тој е пренесен во болница за укажување лекарска помош.

Причина за нарушувањето е тоа што биле сопственици на угостителски објекти, лоцирани на подрачјето на Карпош, а од градоначалникот добиле известување за остранување на незаконски поставените тенди.

Случајот е расчистени и на лицата им се дадени платни налози за сторен прекршок од ЗППЈРМ.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.