Дејвид Мојес, судејќи по сѐ, следната сезона нема да седи на клупата на Манчестер јунајтед, бидејќи се покажа дека тој не е вистинското решение за наследник на Алекс Фергусон.
Британскиот весник „Дејли стар“ денеска излезе со тврдење дека Манчестер јунајтед планира да го донесе Карло Анчелоти на местото на сегашниот тренер Дејвид Мојес.
Навивачите на Манчестер јунајтед се огорчени од резултатите на клубот и дел од нив веќе побараа оставка од Мојс, а „Олд трафорд“ пред дуелот со Астон Вила го надлетуваше авион со порака тој да биде сменет.
Манчестер јунајтед минатата година, предводен од Алекс Фергусон, ја освои шампионската титула во Англија, но сезонава под водство на Мојес игра променливо и во моментов е на 7. место.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
