Почна снимањето на краткометражниот филм со работен наслов „Долу од рајот“ на младиот македонски режисер Саша Станишиќ. Филмот ќе се снима на локации во Битола по сценарио на Кристина Христова-Николова.
Ова е трет краткометражен филм на Станишиќ, по филмовите „Митот за Сара“ и „Скопје Ремиксд (Мангава Диско Панк)“.
Главните улоги во филмот ги играат: Ана Ошафкова, Зоран Бојаровски, Кристина Христова-Николова, Соња Ошафкова.
Директор на фотографија е Горан Наумовски, сценограф Влатко Зафирковски, костимограф Бурим Муслиу. Филмот е финансиски поддржан од Агенцијата за филм на Р. Македонија, Националниот филмски центар на Бугарија и СЕЕ „Синема нетворк“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
