Брилијантниот Вардар во само еден потег, победничкиот гол на Душебаев што го докрајчи Хамбург (видео)

Вардар одигра брилијантен меч, а за сите што не успеаја да го проследат фантастичниот триумф на „црвено-црните“ против актуелниот европски првак Хамбург, доволно е да го погледнат победничкиот гол на Алекс Душебаев. Моќно, дрско, без респект и хируршки прецизно, шпанскиот репрезентативец ја погоди мрежата на домаќинот за недостижни 30-28 за македонскиот првак.

Како и голот, така играше и Вардар, силно, незадржливо, комбинаторно, со многу ефектни акции, а на колена падна ракометниот крал на Европа, Хамбург, кој е поразен со 29-30 на свој терен и е симнат од тронот. Вардар со вкупен резултат од 58-57 се пласира во четврт-финалето на ЛШ, за првпат во клупската историја и му се приклучи на Металург, состав што претходно со втората победа над Колдинг си обезбеди втор настап во оваа фаза.

Погледнете го ремек-делото на Душебаев во самиот финиш од реваншот против германскиот тим.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.