„Бетон“ лани остварил добивка од 756 илјади евра

Градежната компанија „Бетон“ лани остварила нето-добивка од 756 илјади евра или повеќе за 8 отсто во однос на предходната година, објави компанијата.

Вкупните приходи на компанијата лани изнесуваат 45,4 милиони евра, што во однос на 2012 година е помалку за 9 отсто. Вкупните расходи, пак, изнесуваат 44,5 милиони евра и во однос на 2012 година има пад на расходите за 10 отсто.

„Бетон“ лани има регистрирано пораст на побарувањата од купувачите за 8 отсто во однос на 2012 година. Тие лани изнесуваа 28,2 милиони евра, додека, пак, обврските на друштвото кон добавувачите изнесуваат 18 милиони евра и се зголемени за 23 отсто во однос на 2012 година.

Резултатите од работењето на компанијата, како што е посочено во консолидираните финансиски извештаи објавени на стрницата на Македонска берза, се однесуваат на матичното друштво и трите составни друштва, „Бетон-про“ , „Бетон-каменолом“ и „Бетон-рудник“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.