Поминете го „Часот на планетата Земја“ еден со друг

Исклучете ги светлата на  и одбележете го Часот на Планетата Земја (Скопје. 27.03.2014) –

Во пресрет на „Часот на планетата Земја“, светскиот производител за презервативи „дурекс“ покренува нова иницијатива насловена како „#TurnOfftoTurnOn“, со која ги поттикнува своите потрошувачи да го искористат едночасовниот настан на 29 март, од 20:30 до 21:30 часот, кога светот ги исклучува светлата.

Брендот ја позиционира кампањата како глобален повик за будење со „дурекс” , со што ги инспирира паровите низ целата планета да си посветат еден час без светло и електроника, еден со друг.

Веруваме дека ништо не треба да претставува препрека на патот за водење љубов. Затоа да се одјавиме од социјалните мрежи и да ги исклучиме светлата. Тргнете ги очите од телевизорите и прегрнете ја вашата љубов. Гледајте помалку, за да почувствувате повеќе. Заедно ќе направиме „#TurnOffToTurnOn“, повикуваат од „дурекс“.

Кампањата е поддржана со емотивно видео, кое ги потенцира моментите на отсутност и зафатеност со својот паметен телефон, иако партнерите се еден покрај друг, како и среќата од повторното поврзување.

Краткиот филм беше инспириран од истражување спроведено во Велика Британија, кое откри дека третина од анкетираните велат дека технологијата им е буквална пречка во нивниот сексуален живот.

– Глобалната опсесија кај луѓето со технологијата поточно паметните телефони, лаптопи, телевизори и таблети не прават асоцијални. Денот на планетата Земја е одлична кампања за да се пренесе пораката да делуваме, да ја заштитиме земјата и да водиме љубов цел ден. Време е сите да ги исклучиме светлата за да се возбудиме – изјави Уконва Ојо, маркетинг менаџер на брендот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.