Во реванш осминафиналните натпревари од денешната програма во Лигата на шампионите во фудбал кои беа и последни два натпревари од оваа фаза, Манчестер Јунајтед го победи Олимпијакос со 3-0. Со овој резултат Манчестер Јунајтед се пласираше во четвртфиналето бидејќи ја надополни негативата од 2-0 што ја имаше по првиот натпревар одигран во Пиреа.
На овој сите три гола ги постигна холандскиот интернационалец Робин Ван Перси. Првиот гол бешe од пенал во 25 минута. Сигурен стрелец беше холанѓанецот кој токму над над него беше стартот за најстрогата казна. Во финишот од првиот дел по една акција од десната страна Ван Перси се најде пред голманот на Олимпијакос и не му беше тешко да ја смести топката во мрежата. Со овој резултат Манчестер ја израмни негативата од првиот натпревар. Во вториот дел домаќините тргнаа со сите сили да постигнат уште еден гол. По еден прекршок на 20 метри од голот на Хименез, тројниот стрелец изведе прекрасен слободен удар и со тоа го одведе својот тим во четвртфиналето.
Борусија Дортмунд загуби на свој терен со 2-1 од екипата на Зенит, но и покрај поразот се пласираше во четвртфиналето благодарејќи на победата во Санкт Петербург со 4-2.
Резултатот го отвори Хулк кој со прекрасен удар од 30 метри го доведе Зенит во водство од 1-0 во 16 минута. Со голот на Кел Борусија израмни на 1-1 и не им даде можност на гостите да се надеваат со уште два гола пласман во четвртфиналето.
Во второто полувреме Рондон го постигна конечниот резултат во 73 минута.
Пласман во четвртфиналето обезбедија најдобрите осум екипи во Европа. Ждрепката ќе се одржи во петок, а во неа ќе учествуваат Барселона, Реал Мадрид, Атлетико Мадрид, Челси, Манчестер Јунајтед, Пари сен Жермен, Борусија Дортмунд и Баерн Минхен.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
