Шекеровски: Работиме на привлекување на инвестиции за да обезбедиме нови работни места

Заменик директорот на Агенцијата за странски инвестиции Климент Шекеровски за време на неговото гостување во вестите на Алфа телевизија изјави дека работат на привлекување на нови инвестиции, со цел да се обезбедат нови работни места.
Конкретните посети на странски инвеститори, активностите кои ги имаме на терен, роуд шоуа, како што нагласи Шекеровски, придонесуват Македонија да биде интересна за привлекување на странски директни инвестиции.

Земајќи ја како пример денешната најава за инвестирање на италијанската компанија ДФ Лабс во Македонија, нагласи дека целиот процес за привлекување на странски инвестиции денес трае помалку од три месеци.

-Тоа е одличен период и имајќи в предвид дека понатаму тој период се повеќе ќе се намалува, секако во минатото имаше и процес кој тареше од две до три години од остварувањето на првиот контакт со странскуте инвеститори, па се додека да решат да инвестираат , но нашата упорност, нудење и креирање на бенефиции и елементи за побрзно носење на одлука и инвестирање во Македонија, придонесува тој процес да се намалу и да дојде до три месеци како што е денеска, рече Шекеровски.

Повеќе од гостувањето на заманик директорот на Агенцијата за странски инвестиции Климент Шекеровски во вестите на Алфа, погледнете во видеото во продолжение.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.