Од нив треба да учиме, Коста Ќука

Коста Ќука (десно)

Триесет и седумгодишниот Коста Ќука од Битола, кој има Даунов синдром и е еден од 300 луѓе кои влегоа во програмата на Владата за вработување. Тој се уште не знае каде ќе биде вработен. Како голем љубител на театарот и театарските претстави многу би го радувало кога на некој начин би бил вработен во такви институции.

Тој е многу позитивен и од него може многу да се научи за животот. Да се биде покрај него е едноставно привилегија.

„Ох, ох, што ми е убаво, ништо не ми е“ – е мотото на Коста во животот.

– Луѓето не треба да бидат нервозни, стресни и затворени, треба да се весели и среќни. Секој дома треба да си има едно долапче, да го отвори и пред излегување од дома тука да си ги остави проблемите – вели Коста.

Тој денот го поминува со слушање музика наутро, шетање, редовно оди во театар.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.