Дел од екипата на „Спортмедија“
На електронскиот пазар од денеска функионира нов спортски портал www.sportmedia.mk, специјализиран за спорт, најавен како нова спортска Википедија.
Тимот кој го работи спортскиот портал е составен од искусни новинари и подмладок кој допрва ќе се развива.
– Долго време тлееше во нас желбата за ваков производ и радосни сме што конечно тој ја гледа светлината на денот. Свесни сме во што се впуштиме и ќе се потрудиме да ја оправдаме довербата на читателите. Отворени сме за издржани критики и добронамерни сугестии – изјави Горан Антевски, директор на „Спортмедија“.
Златко Крстевски е главен и одговорен уредник на спортскиот портал и вели дека ќе понудат добри четива, екскузивни вести, приказни, анализи, колумни.
– Свесни сме дека треба да се потрудиме за порталот да успее. Многу да се потрудиме. Зошто најлесно е да седнеме пред компјутер, да се логираме на „Фејсбук“, да критикуваме, да посакуваме неуспех, да пецкаме, само да се утешиме за промашениот професионален живот. Вие, читателите, сте ни мера за раст – пишува во коментарот Крстевски.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
