Новак Ѓоковиќ наиде на неочекувано силен отпор од колумбискиот тенисер Алехандро Гонзалес, но сепак најде начин да го победи на Индијан Велс и да се пласира во осминафиналето на турнирот.
Новак загуби еден сет, а сепак оди понатаму и ќе игра против Марин Чилиќ во следната рунда. мало изненадување приреди Фернандо Вердаско со елиминација на осмиот фаворит Ришар Гаске, а во највозбудливиот меч ноќеска Ернестс Гулбис го елиминира Григор Димитров со 2-1 во сетови.
Кај дамите кусо траеше радоста на Камила Џорџи по блескавата победа против шампионката Марија Шарапова. Таа веднаш во следното коло испадна во италијанското дерби со Флавија Пенета.
Понатаму очекувано одат Јанковиќ, Радванска, Цибулкова, Стивенс, Ли, а Халеп во дербито на колото ја исфрли од игра Бушар.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
