Најдобриот македонски тенисер Димитар Грабул успеа да ја мине првата пречка на фјучрс турнирот Анталија Ф7. Грабул во првото коло во поединечна конкуренција оствари победа од 7:5 и 7:6 во гемови против Жулиен Дубе од Белгија.
Ова беше четврти меч на овие двајца тенисери и со денешната победа Грабул изедначи на 2:2 во победи.
Во следното коло Грабул (6.носител) ќе игра против Германецот Максимилијан Мартерер (810.место на АТП), кој денеска со 6:1 и 6:4 го победи Шпанецот Алехандро Ибанез Гаљего.
Грабул со денешниот ривал Дубе настапува и во игра на двојки, каде што во четврт-финалето ќе играат против Михал Милко (Словачка) и Франко Миочиќ (Хрватска).
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
