Големо изненадување направи украинскиот тенисер Александар Долгополов, кој во третото коло од Индијан Велс го елиминираше првиот тенисер во светот Рафаел Надал со резултат 2-1 по сетови 6-3, 3-6, 7-6.
Од првиот до последниот поен на овој меч беше забележлива желбата на Долгополов, по пет порази, конечно да забележи триумф против шпанскиот тенисер.
Сè беше решено во третиот сет, кој очекувано донесе голема драма. Долгопов не ја искористи предноста од 5-3 и меч-сервис, по што Надал се врати на 5-5.
И кога сите мислеа дека Надал е блиску до триумф, Украинецот со последните сили успеа да ги добие двата наредни гема и да оствари голема победа.
Во следното коло Долгополов ќе ги одмери силите со Италијанецот Фабио Фоњини.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
