Шефот на руската дипломатија Сергеј Лавров по денешната средба со американскиот државен секретар Џон Кери изјави дека се уште не е постигнат договор за украинската криза.
Лавров се сретна со Кери на маргините на конференцијата за Либија во Рим. Тоа беше втор состанок меѓу Лавров и Кери за два дена .
Рускиот министер за надворешни работ истакна дека евентуалното решение за украинската криза мора во целост да го поддржат сите региони од Украина, вклучително и Крим.
Лавров додаде дека Кери го уверил оти американската Aдминистрација досега не ставила руски граѓани на црната листа.
Лавров и Кери вчера се сретнаа и во Париз, каде исто така разговараа за кризата на украианскиот полуостров Крим.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
