Бразилска петарда ја здрма Јужна Африка, Нејмар главна ѕвезда со 3 гола (видео)

Бразил ја декласира репрезентацијата на Јужна Африка со 5-0 во денешниот пријателски меч, а главна ѕвезда беше напаѓачот на Барселона Нејмар. Тој постигна 3 гола, а беше прецизен во 40., 46. и 91 минута.

Сепак за убавите голови беа задолжени двајцата негови соиграчи Оскар и Фернандињо. Оскар го отвори резултатот со мајсторски лоб-удар по 10 минути игра, а брилијантен гол постигна играчот на Манчестер сити, Фернандињо со топовски удар во 79. минута.

Интересно е што Бразилците во двете полувремиња играа со различни дресови, но ритамот беше ист, одличен во сите 90 минути. Во првиот дел „кариоките“ настапија со препознатливите дресови со жолта боја, а во второто полувреме играа со сини дресови.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.