СДСМ вечерва во хотелот „Александар Палас“ го одржува 16. Конгрес под мотото „Македонија заслужува претседател“ на кој се очекува да биде потврдена кандидатурата на Стево Пендаровски за шеф на државата.
На почетокот на Конгресот обраќање пред присутните ќе има лидерот на партијата Зоран Заев, по што ќе следува работниот дел, кој ќе биде затворен за медиумите. По неговото завршување, ќе се обрати партискиот кандидат за претседател на Република Македонија.
Извршниот одбор на СДСМ минатата недела едногласно одлучи да му предложи на Централниот одбор единствен кандидат за претседател на Република Македонија да биде Стево Пендаровски.
Партијата тогаш соопшти дека постапката за предлагање и евидентирање на кандидатите била спроведена во сите 76 општински организации на СДСМ. Биле предложени вкупно 26 кандидати од општинските организации, а во тесен круг биле осум кандидати. Стево Пендаровски бил предложен од сите општински организации на СДСМ.
Пендаровски формално ќе биде кандидиран со поддршка од 30 пратеници на опозицијата.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
