Проруски демонстранти презедоа дел од зградата на обласната управа во Донецк

Стотина демонстранти, кои носеле руски знамиња, упаднаа денеска во зградата на обласната управа во украинскиот град Донецк и зазедоа два ката од неа, јави ИТАР-ТАСС.

Агенцијата посочува дека во моментов во зградата има околу 20 новинари и членови од Обласниот совет, но не и полицајци.

Демонстрантите се незадоволни од денешните одлуки на обласната администрација, а посебно од тоа што со тајно гласање за нов претседател на Обласниот совет е избран Андриј Шишацки, кој вчера на барање на учесниците на протестите беше сменет од функцијата гувернер на Областа од страна на в.д. претседателот на Украина, Олександр Турчинов.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.