Анкета: Граѓаните не веруваат во економската политика на СДСМ

ВМРО-ДПМНЕ има поквалитетно и поспособно раководство од СДСМ, сметаат граѓаните. Според анкетата спроведена од 16 до 19 февруари од страна на Институтот „Павел Шатев“, 38,9 отсто од граѓаните сметаат дека владејачката партија има поквалитетно раководство, 21,6 отсто се изјасниле за опозициската СДСМ. Во телефонската анкета учествувале 1450 испитаници, а спроведена е со цел да ги утврди ставовите на македонските граѓани кон повеќе актуелни политички прашања во Република Македонија.

Во истражувањето, кое беше спроведено на ниво на Република Македонија, беа опфатени сите шест изборни единици, како и повеќе демографски карактеристики на населението, вклучително пол, етничка припадност и возраст, но беше направена поделба и според руралните и урбани места на живеење, при што Скопје е земено како посебна целина. Во првиот дел од анкетата, кој беше претходно објавен, беа претставени резултатите за рејтингот на партиите и нивните лидери, додека во вториот дел граѓаните беа запрашани за нивните перцепции во однос на довербата во работата и ветувањата на политичките партии, како и блискоста на личните ставови на граѓаните со партиските позиции во однос на повеќе актуелни прашања – велат од Павел Шатев.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.