Во „Куќата на Робевци“ во Охрид ќе биде изложен гроб со злато, пишува Вечер. Таканаречената „Златна соба“ ќе се отвори до крајот на годинава, а таму ќе бидат изложени сите златни предмети кои сега се во депоата на Завод и Музеј на Охрид, како зЗлатната маска и златен накит. Гробот ќе биде изложен со целото злато најдено во него.
– Гробот ќе биде оригинално презентиран – велат за „Вечер“ од Завод и Музеј. Останатите, повеќе од 400, пронајдени експонати при археолошките ископувања на локалитетите во Охрид и охридскиот крај ќе бидат сместени во повеќе витрини.
– Златната соба веќе е готова. До крајот на годинава ќе биде отворена – вели директорката на охридскиот Завод и музеј, Тања Паскали-Бунташеска.
Исто така, финишира и изработката на каталогот кој беше единствената причина поради која се одложија најавите за отворањето на „Златната соба“. Според раководството на Завод и Музеј, било потребно долг период за да се изработи ова луксузно издание кое на 400 страници ќе дава опис, димензии и фотографии за секој предмет посебно.
Просторијата во која ќе биде изложена една од најскапоцените музејски поставки во Македонија ќе биде максимално обезбедена со најсовремена апаратура за заштита.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
