Младинскиот репрезентативен голман на Македонија, Дени Илиев ќе го брани голот на Арсенал во четвртфиналето на Лигата на шампионите за фудбалери до 19 години, а следен противник е Барселона. Вечерва младите „топчии“ славеа со 3-1 против Шахтар Доњецк и се пласираа во четвртфиналето на премиерното натпреварување за фудбалери до 19 години.
Тоа ќе биде дерби на следната рунда, а Барселона ќе му биде домаќин на Арсенал. Илиев вечерва бранеше цел меч. Прими гол во 43. минута, кога го совлада Борјачук. Сепак напаѓачите од Лондон беа расположени за игра и со головите на Торал, Олсон од пенал и на Гнабри му донесоа победа на Арсенал.
Во уште едно четвртфинале ќе играат Челси и Шалке 04, по денешните победи против Милан од 4-1, односно со Реал Сосиедад од 2-1. Утре се играат преостантите четири осминафинални дуели.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
