И Шербеџија помеѓу демонстрантите во Сараево (фото)

Меѓу демонстрантите кои повеќе од 15 дена протестираат на улиците на Сараево, се појавил и познатиот хрватски актер Раде Шербеџија. Скандирајќи го неговото име, со пораката “На мака се познаваат јунаците”, демонстрантите го дочекале актерот.

Шербеџија бил дел од големите анти-воени демонстрации одржани во Сараево во април во 1992. година, кои биле последна надеж за мир, и по кои започнала војната во БиХ.

– Имаат право да бараат одговори на нивните прашања, но по мирен пат. Прашањата се за луѓето кои тие ги избраа, рекол Шербеџија.

Според него лошо е што луѓето мора да се собираат по плоштадите и да стојат на дождот.

– Тешко ми е што сум овде на ваков начин. Тажно е. Сепак, на некој начин тоа не е исто како кога започна војната. Тоа беа други времиња, појаснил Шербеџија, кој додал дека овие настани немаат никаква врска со политика.

– Ова е вистински бунт на народот, истакнал тој.

Шербеџија им порачал на граѓаните дека можат да бидат задоволни со тоа што го направија со протестите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.